Ziburuko Herriko Etxeak bi ikuskizun hunkigarri eta poetiko ezagutzera gomitatzen zaituzte, publiko biziki desberdinei zuzenduak, baina partekatze eta zirrara gogo berak animatzen dituena.
Martxoaren 13a, ostirala - 19:30
Je ne suis pas de celle qui meurt de chagrin (Ez naiz bihozminez hiltzen diren horietakoa)
Urdin konpainia (Ziburu)
Errekoletoak AOIZaren kapera
Denentzat – 12 urtetik goiti
Frantsesez
Urririk, izena eman behar
Emazte bat zain
dago, itsas hegian. Uhinekin dantzan dabil, bere ahotsa ezartzen du
itsasgizonen emazteen zerbitzuko eta igurikatzea, urruntzea eta lurra eta
itsasoaren arteko bizitza kontatzen du.
Olerkia eta dokumentalaren arteko bakarrizketak barne-bidaia batera eramaten gaitu, non istorioak, oroimena eta zirrarak nahasten diren. Taula gainean, eguneroko puskak itsasargi eta itsasontzi bilakatzen dira, eta eremua ipuin eta oroitzapen paisaia bihurtzen.
Ziburuko
Herriko Etxeak atsegin handiz aterpetzen du sorkuntza lan hori, Ziburuko
egonaldi batean sortua, non itsasoak eta emazteen kondairek hartzen duten beren
lekua.
Lineanerreserbatu
© Nicolas Petit
Martxoaren 15a, igandea - 15:30
3pMTutti taldea (Bordele)
Guy Poulou erabilera anitzeko gela
0 - 3 urte arteko haurrak eta beren laguntzaileak
Frantsesez
Urririk, izena eman behar
© Pierre Planchenault
6 hilabetetik goitiko ttipi-ttipientzat pentsatua, 3pM ikuskizunak haurrak eta beren laguntzaileak hiru une hunkigarri eta intimo partekatzera gomitatzen ditu: ezagutu, esperimentatu, trukatu.
Taula gainean,
dantzari batek eta biolontxelo joile batek jestua, soinua eta erritmoa ikertzen
dute elkarrekin, mugimendu bakoitza joko eginez, eta nota bakoitza zirrara
bihurtuz. Ikuskizun interaktibo horrek egituraz, soinuz eta argiz josiriko
mundu bat eskaintzen die niniei, non behakoak, jestuak eta gauzakiak hainbat
gogo-pizteko tresna bihurtzen diren.
Helduak ere
parte hartzera, sentitzera eta loriatzera gomitatuak dira haurren ondoan. 3pM
ikuskizuna esperientzia guria, poetikoa eta pizgarria da, une partekatua
egiazko zentzumen-ezagutza egiten duena.