Tokiko gastronomia arduratsua eta sortzailea
Ekitaldi honek tokiko eta kalitatezko elikamolde iraunkorra ezartzen du ohoretan, lekuan berean ekoizleek berek apailaturiko jakiekin, banaketa-bide laburretatik jalgiriko ekoizkinekin.
@Komcebo
Araua
Nork bere afaria libreki osatu dozena bat salmahairen artean, ingurumena zaintzen duten ohituren alde engaiaturiko eragileek eramanik.
Lurraren aldetik – Idoki labela
Itsasoaren aldetik – Pleine Mer elkartea
Besta giroko gaualdi arduratsua
Gaualdia 19:00etan hasiko da "Ay Mama !" taldearekin. Ondotik Patxi eta Konpainiaren mutxikoak.
Ekitaldiak daramatzan baloreei jarraikiz, zenbait ekintza zehatz plantan ezarriak dira ingurumena ahal bezain guti kaltetzeko xedez:
- Baxera ekologikoak: konposta edo berrerabil daitezkeen edukitzaileak, botatzeko plastikorik gabe
- Hondakinen bereizketa: biohondakinak eta hondakin birziklagarriak botatzeko bilguneak
- Publikoaren parte hartze aktiboa: gomitei beren mahai tresnak ekartzea eskatua zaie, hondakinak murrizteko jestu xume baina erakingorra
Baliabideen erabilera murriztea, janaria xahutzea baztertzea eta ohitura arduratsuak sustatzea, hori da ere Lur & Itsas afaria.
Engaiamendu azkarra
Besta-hitzordu gozo honen bitartez, Herriko Etxeak laborantza sailak eta tokiko itsas-sailak sustatzen dituela berresten du, kontsumitzeko modu argiago eta arduratsuago batera sentsibilizatuz ere.
Hurbileko elikamolde baten alde engaiaturiko bi partaide
Pleine Mer elkarteak gizakiaren neurrirako eta itsasoko baliabideak begiratzen dituen arrantza defendatzen du: tokiko arrantza, zentzuzkoa, itsasontzi ttipietan, marinelei bizitzeko bidea eskaintzen diena.
1992an sorturiko Idoki Labelak 90 euskal ekoizle biltzen ditu ondoko helburuen inguruan: etxaldeen industrializazioa saihestea, baserrialdeko enpleguak mantentzea eta lurraldeko laborariei beren etxaldeko jardueratik bizitzeko bidea eskaintzea. Ekoizleek beren etxaldetan produktu kimiko sintetikorik (ongailuak, pestizidak) ez erabiltzea ere hitzematen dute.
