Tokiko sortze-gastronomia arduratsua
Ekitaldi honek tokiko eta kalitatezko elikamolde
iraunkorra ohoretan ezartzen du. Lekuan berean, ekoizleek jakiak apailatuko
dituzte zirkuitu laburrean ekoizturiko produktuekin.
Printzipioa
Nork bere apairua libreki osatzea hamabost bat mahaien artean, denak ingurumena errespetatzen duten eginmoldeekin diharduten eragile engaiatuek horniturik.
Lurraren aldetik – Idoki labela:
- Ahate gibel gizena, zerriki saiheskiak, etxaldeko urdaiazpikoa, zikiroki merguez txistorra
- Ahuntza kurruskaria, belarri-taloberria tomatea eta pestoarekin, barazki gordin entsalada
- Gasna zuria marrubiekin crumble eran, pastiza biguna sasoiko fruituekin
Itsasoaren aldetik – Pleine Mer elkartea:
- Hegaluze tatakia plantxan
- Etxeko surimia bakaladarekin, guti ezagutua den tokiko arraina
Zerrenda horrek proposaturiko apairuen ideia bat ematen dizue, beste jaki bereziak ere izanen dira.
Apairuak laguntzeko, fruitu zukuak, tisana izoztuak,
sagarnoa edo arnoa izanen dira dastamen-esperientzia osatzeko.
Besta giroko gaualdi arduratsua
Gaualdia 19:00etan hasiko da musika animazioarekin eta Patxi eta Konpainiaren mutxikoekin luzatuko.
Ekitaldiak dakartzan baloreen errespetuan, zenbait
ekintza zehatz plantan ezarriak izanen dira ingurumenaren gaineko eragina
murrizteko gisan:
- Baxera ekologikoak: konposta eta berrerabil daitezkeen edukitzaileak, botatzeko plastikorik gabe
- Hondakinen bereizketa: hondakin biologikoak eta birziklagarriak botatzeko bilketa-guneak
- Publikoaren parte hartzea: gomitei beren mahai tresnak ekartzeko eskatua zaie, jestu soila, baina hondakinak murrizteko eraginkorra
Baliabideen erabilera murriztu, ez xahutu eta ohitura arduratsuak hobetsi, horretan ere datza Lur & Itsaso afaria.
Engaiamendu azkarra
Besta giroko hitzordu gormant honen bidez, Herriko
Etxeak tokiko laborantzari eta itsasoko sailei ekartzen dien sustengua berretsi
nahi du, kontsumo argituago eta arduratsuago bati buruz sentsibilizatuz.
Hurbileko elikamolde baten alde engaiaturiko bi partaide
Pleine Mer elkarteak
gizakiaren neurrirako eta itsasoko baliabideak begiratzen dituen arrantza
defendatzen du: tokiko arrantza, zentzuzkoa, itsasontzi ttipietan, marinelei
bizitzeko bidea eskaintzen diena.
1992an sorturiko Idoki Labelak 90 euskal ekoizle biltzen ditu ondoko helburuen inguruan: etxaldeen industrializazioa saihestea, baserrialdeko enpleguak mantentzea eta lurraldeko laborariei beren etxaldeko jardueratik bizitzeko bidea eskaintzea. Ekoizleek beren etxaldetan produktu kimiko sintetikorik (ongailuak, pestizidak) ez erabiltzea ere hitzematen dute.