Itsas kartografia ezagutzera!
Joan den urritik, Les Récollets-Errekoletoak AOIZaren bitartekari berria den Maïder Mourguiart-ekin topaketa.
Gure lurraldeko historia itsasoari hertsiki lotua da; itsas kartografiari bereziki lotua ote da?
M.M.: Bai, arrunt! Hidrografia ikastetxe baten aztarnak aurkitzen ditugu 17. eta 18. mendeetan, itsas mapen sortzean berezituriko ikastetxe bat. Euskal kartografo ugari ibili dira ikastetxe hartan eta Kanada, Ternua maparatu zuten. Bertako itsasturiak herrialde horietara joan ziren balea ihiztatzeko eta bakailaoa arrantzatzeko. Léonard Durillis Errekoletoetako fraideak itsasketa eta hidrografia irakatsi zituen bertan eta itsasketaren arauei buruzko idazlan nazional bat idatzi zuen.
Hara zergatik interesgarria iruditu zaigu itsas historiaren arlo hori aipatzea .
Itsas mapa itsasketa mapa bat ote da bakarrik?
M.M.: 15. mendetik goiti, itsas mapa tresna teknikoa bilakatu zen esploratzaile eta itsasturientzat. Baina, une hartan, dokumentu biziki minberak ziren, konkista handietarako buruzagiak haien lortzeko borrokatzeko prest zirelarik.
Eta 15. mendea baino lehen, ez zuen hainbeste bidea aurkitzeko balio: herrialde desberdinetako printze eta buruzagiei zuzendutako entziklopedia irudidun bat zen, mundu ezagunaren erronka geopolitikoak espazioan materializatzeko .
Erakusketan horretan, zer ikusten ahalko du publikoak?
M.M.: Zenbait taulek itsas kartografiaren bilakaera azalduko dute, Erdi Arotik 19. mendera; 13. eta 19. mendeetako munduko mapa bat eta jatorrizko mapa handiak ere aurkeztuak izanen dira, eta haurrei bakarrik egin dezaketen joko bat proposatua izanen zaie.
Aldi berean, grabadura ikasteko bost saio proposatuak izanen dira, “Nire itsasoetako mapa”: lau 7 urtez goitiko haurrentzat eta bat helduentzat.
Bihozkada!
Garai hartako itsas mapek egiazko altxor mapak dirudite! Itsas eta haize mamuz, itsaslaminez eta izaki liluragarriz horniturik, Tolkien-i dagokion mundu batean murgiltzen gaituzte, garaiko kartografo eta esploratzaileen ikuspegia baizik ez delarik.