Irailaren 13a - 2025-2026 kultura denboraldiaren estreinaldia

ZIBURUK 2025-2026ko KULTURA DENBORALDIA ESTREINATZEN DU    

Urte hau berezia izanen da Ziburuko hiria EKO - Zirkuko Pirinioak proiektuan sartu baita, mugaz gaindiko arte-lankidetza programa ausarta. Proiektu honek sorkuntza garaikidea sustatzeko, artistak epe luzean aterpetzeko eta publikoari ezagutza, zirrara eta lilura uneak eskaintzeko nahia indartzen du.

Denboraldi honen bihotzean: zirku garaikidea, hizkuntza unibertsal gisa, lokarriak, irudimena, sorkuntza eta partekaturiko zirrarak hedatzeko helburua duelarik. Herriko Etxeak daramatzan baloreak irudikatzen ditu: partekatzea, gorputzaren lan poetikoa, hurbiltasuna eta eskuzabaltasuna.

Denboraldi engaiatua eta denei irekia

Herriko Etxeak ziburutar gazteen aldeko ekintzak aitzina eramaten ditu, gaur egun ikastetxeetan ongi erroztatua den arte-, kultura-, zientzia- eta kirol-hezkuntza programari esker.

Tokiko eta mugaz gaindiko lankidetza kultura-ekintzaren zutabeetariko bat da, artistekin, elkarteekin eta erakunde-partaideekin lotura hertsian.

Airetiko denboraldi ausart eta bizia, ahal bezainbat lagunekin bizitzekoa!

Estreinaldia – 2025eko irailaren 13a, larunbata

Urririk – Aire zabalean – denentzat

Denboraldia estreinatzeko, Ziburuko Herriko Etxeak bestaz eta olerkiz josiriko gaualdi handi batera gomitatzen zaituzte, zirku garaikidea eta dantzaldi herrikoiaren artean.
Zokoko Gotorlekuko hondartzatik pilota plazara segitzeko erakustaldia, gaurko zirku munduko bi konpainia nagusik eramanik:

SURCOUF
Sacékripa konpainia (Tolosa Okzitania)

Bi gizon, txalupa bat eta ikertzeko barneko mundu bat. Umorez eta sotiltasunez, traketsa omen den bikotea oreka, ezegonkortasuna eta bestearen beharrarekin jolasten da. Zeharkaldi sentikorra, irrigarria eta gazia, akrobaziak, olerkia eta itsas lanbroaren artean.

• 19:30
• Zokoko Gotorlekuko hondartza 
• Hitzik gabe

GAUALDIA NAGUSIA JIN ARTEAN 
Le Doux Supplice konpainia (Nîmes)

Zortzi akrobata-dantzarik eta maleziatsuki eroa den DJ batek dantzaldi akrobatikoa irekitzen dute, non dantzalekua zabaltzen den, gorputzak nahasten diren eta publikoa partaide bilakatzen den. Besta eta partekatze unea, hor izatea baizik ez duena eskatzen, elkarrekin. EKO - Zirkuko Pirinioak proiektuaren harira antolaturiko ikusgarria, Europar Batasunak hein batean diruztaturik Interreg VI-A Espainia-Frantzia-Andorra programaren harira.

• 21:00
• Ziburuko pilota plaza
• Hitzik Gabe