Ziburun aitzina doan bereizteko dinamika
2022tik goiti hondakinen bilketan eta bereizketa aginduen zabaltzean hiri pilotua den Ziburuk emaitza bihotz-sustagarriak bildu ditu epe motzean. %40 hondakin gehiago bereiziak eta etxe-hondakinen heren bat gutiago. Urraspide horren ildotik, Herriko Etxeak konpostatze kolektiboa garatu du, besteak beste Marinela-Zubiburu auzotegiko biztanleek eskaturik auzo-batzordearen bitartez. Gaur, urrats berri bat abian jarria da janari hondakinak hobeki balorizatzeko eta etxe-hondakinekin batera botatzen den hondakin kopurua murrizteko gisan.
Zergatik bereizi janari hondakinak?
Janari hondakinek etxe-hondakinen %25 osatzen dute. Haatik, horietako gehiena balorizatua izan daiteke, gainerateko hondakinekin batera bota baino. Zurikinak, janari hondarrak, kafe hondarkina, dute zakutxoak, esnekiak, haragi edo arrain hondarrak... Hondakin horiek bereiz bilduak izan daitezke konpost bihurtzeko.ansformés en compost.
Bizitegi
eraikin batean bizi zara?
Bilketa
dispositibo berria
2026ko urriaren 5etik goiti, Euskal Hirigune Elkargoa janari hondakinen bilketa zabaltzen ari da hiri-barnetik kanpo dauden bizitegi eraikinetan.
Nola ibiltzen da?
- Etxean bereizi: janari hondakinak biltzeko ontzi bat ezarria da zure esku.
- Zure hondakinak bota: ontzia betea delarik, zure eraikinaren ondoan jarria den biohondakinen edukiontzira bota.
- Balorizazioari lekua
egin:
bilduriko hondakinak balorizazio gune batera eramanak dira konpost bihurtzeko.
Dispositibo horrek janari hondakinak etxe-hondakinengandik erraz bereizteko eta birziklatzeko bidea errazten du.
Zer bilakatzen dira nire janari hondakinak?
Eraikinetako bilketa
dispositiboaren harira, langileek astean behin edo bitan esku hartzen dute
edukiontziak husteko.
Ekipamendu horiek usainak,
isurtzeak eta marmutxa kaltegarrien agertzea baztertzeko gisan eginak dira.
Ondotik, janari hondakinak
balorizazio gune batera eramanak dira eta konpost bihurtuak.
Dispositibo
hori ez dagokizu?
Konpostatze kolektiboa gogoan erabili!
Ziburun, auzoko hiru konpostagailu daude:
- Zubiburu
- Gurutze Saindua
- Unstin
Interesatuak diren biztanleek izena eman dezakete Bil Ta Garbiren aldean eta konpostatze kolektiboaren aginduak errespetatzeko gutuna izenpetu.
Nola ibiltzen da konpostatze kolektiboa?
Konpostagailura bota diren
janari hondakinak ekai idorrekin nahasiak dira, hala nola aldaxkak, hostoak,
mozturiko belarra, herriko zerbitzu teknikoak ekarririk.
Pixkanaka, nahasketa hori
konpost bihurtzen da. Ondotik, erabiltzaileen esku ezarria da lore asketarako,
baita herriko zerbitzuen esku ere berdeguneen artatzerako.
Konpostatze kolektiboak biohondakinak tokian berean balorizatzeko bidea eskaintzen du, auzotegiko bizitzan ere parte hartuz.
Ohitura ona: bereizketari buruzko oharra irakurri!
Bota ditzakezun hondakinei buruz zalantzarik duzu?
Telekargatu bereizketa gidaorria ICI
Jestu bakoitzak balio du!
Zure janari hondakinak
bereiziz, etxe-hondakinen bolumena ttipitzean, biohondakinen balorizazioan eta
gure lurraldeko baliabideen zaintzan parte hartzen duzu.