4 hiri euskararen bizkortzearen alde engaiatuak elkarrekin !
Badu hogei bat urte lurraldeko elkargoek elkarte-mundua eta gizarte zibila laguntzen dituztela euskara bizkortzeko duten xedean. Gaur egun, lehen mailako ikastetxeen %66k proposatzen du euskarazko irakaskuntza, eta familiek gogotik hautatzen dute eredu hori! Azken hamabost urte hauetan, ikastolek eta irakaskuntza elebidunak arrakasta handia biltzen dute Iparraldean, ikastolako hantatzearen goratzeak eta murgiltzeko ereduzko bigarren mailako ikastetxe berrien sortzeak erakusten duten bezala.
Haatik, Iparraldean, euskararen egoera kezkagarria dela erakusten dute azken ikerketek: nola biziarazi hizkuntza eta nola sarrarazi egunerokotasunean, familian eta karrikan?
Euskara eremu publikoaren lehen mailan berriz ezartzeko xedez, Ziburu, Donibane Lohizune, Urruña eta Hendaiako hiriak mobilizatzen dira, Plazara elkartearen sustenguarekin eta Euskal Elkargoarekin eta euskararen arloko elkarte-eragileekin elkarlanean, euskararen transmisioari buruzko sentsibilizazio ekintza andana bat proposatzeko: "Euskara, etorkizuneko aukera".
9 hitzordu nagusi lurraldean
Zenbait gai aipatuak izanen dira hamabostaldi horretan, etxeko lanak egiteko laguntzatik gurasoen eginkizunera, gazteendako literatura eta eskolaldi inguruko jarduerak barne. Adituek emandako hitzaldiak, ezagutza-tailerrak, irakurraldiak, topaketak, kontzertu bat eta animazioak, gai hori modu jostagarrian aipatzeko: bederatzi hitzordu antolatuak izanen dira lau hirietan, horietako bi Donibane Lohizunen martxoaren 19an, eta bat Errekoletoetan martxoaren 27an:
- Martxoaren 15ean, larunbata, 10:00etan, Ziburuko Marinela ikastetxean: "Euskara ezagutzeko tailerra, gurasoentzat", euskara gehiago erabilia eta agerian izateko xedez diharduen Plazara elkartearen eskutik.
- Martxoaren 19an, asteazkena, 14:30ean, mediatekan: "Nire haurra euskaraz irakurtzen laguntzen dut" Mirentxu Ibargarai itzultzailearen eskutik, gazteendako euskarazko liburuak proposatzen dituen haria.eus webgunearen sortzailea ere delarik.
- Martxoaren 19an, asteazkena, 18:00etan, portuko erretegian: "Zertarako balio du euskaraz mintzatzeak?" Michel Feltin-Palas kazetariaren hitzaldia, L’Express aldizkariaren erredakzioburua, astekariaren webgunean argitaratutako "Sur le bout des langues" (Mihien puntan) berriparera eta zenbait libururen idazlea, hala nola " Sauvons les langues régionales" (Eskualdeko hizkuntzak salba ditzagun) (Heliopoles argitaletxea, 2022).
- Martxoaren 20an, osteguna, 18:00etan, Urruñako herriko etxean: "Gurasoak, haurren erreferentziak", Hegoaldeko sozio-hizkuntzalaria, umorista eta telebista aurkezlaria den Kike Amonarrizen hitzaldia.
- Martxoaren 23an, igandea, 11:00etan, Urruñako herriko etxean: euskal kantua sustatzen duen Gurashow taldearen kontzertua, familian.
- Martxoaren 25ean, asteartea, 18:00etan, Ziburuko mediatekan: "Hel! Etxean, (euskaraz mintzatzeari utzi dion) nerabe bat badugu!", Plazara elkarteko Xan Aire eta Elorri Garrat psikologoaren hitzaldia.
- Martxoaren 27an, osteguna, 18:00etan, Errekoletoak AOIZan: "Hizkuntza gutituen transmisioa: nola, zertako eta zer onuretarako?" unibertsitateko irakaslea, sozio-hizkuntzalaria eta idazlea den Philippe Blanchet jaunaren hitzaldia.
- Martxoaren 28an, ostirala, 18:00etan, Hendaiako Gaztelu areotan: Gurasoen eta eskolaren eginkizuna haurren hizkuntza-loratzean", antropologoa eta Nafarroako legebiltzarraren diputatu ohia den Paula Kasares anderearen hitzaldia.
- Martxoaren 29an, larunbata, 11:00etan, Hendaiako mediatekan: "XoOoo ! Josteta kantuak eta behatz-jolasak", euskarazko eta elebidunezko liburuak argitaratzen dituen Matahami argitaletxearekin.
Ekitaldi guziak denei irekiak zaizkie, urririk.