Funtzionamendu arloko gastuak menperatuak
2025. urterako, Hiriak funtzionamendu arloko gastuak %13,5ez ttipitzea aurreikusten du, arlo horretan 2020tik goiti eramandako kudeaketaren harira:
- Energia gutiago kontsumitzeko xedez plantan ezarritako estrategiak bere fruituak ekarri ditu: eraikin publiko batzuen zaharberritze energetikoaz gain, hiriko argien erreformak eta argiak LEDez ordezkatzeak (energia gutiago kontsumitzen dituztelarik eta merkeago direlarik) eremu publikoan, energiaren kostuaren emendatzea ordaintzea ahalbidetu du, berdin ttipitzea ere.
- Soldata masa %10ez ttipitu da eta 2025erako, %3,25eko ttipitzea ere aurreikusten dugu; langileria kargen ratioak funtzionamenduen gastuetan 0.65etik 0.61era jaitsi da 2020 eta 2024 artean, Ziburu hein bereko hirien ratiotik hurbilduz.
Haatik, herritarrendako zerbitzuak ez dira murriztuak izan, alderantziz:
- Hiriak Kultura, Ondarea eta Elkarte-Bizitzaren zerbitzua sortu du;
- GEUZa azkartua izan da, besteak beste hazkurri laguntzaren arloan, zerbitzu horren hartzaileen kopurua berriz emendatuz doalari azken hiru hilabete hauetan, eta 50 familiei eta 115 helduei baliagarri zaielarik. Bestalde, 2025erako, hiriak GEUZari esleitzen dion laguntza emendatzea aurreikusten du, 50 000€ko baliokoa, lokalak hiri barnean berriz kokatzeko lanak apailatzeko, Aristide Briand ikastetxe ohiko belaunaldien arteko etorkizuneko egoitzaren beherean.
- Berriki, hezkuntza-haurtzaroa-gazteria zerbitzua azkartua izan da animatzaile berrien hartzearekin, eskola publikoko haur kopuruaren emendatzeari jarraitzeko, hirian azken hamar urteetan ikusi ez zen emendatzea.
Perspektiba lasaiak 2025eko egitasmoetarako
Ziburuko kontuen egonkortasun horrek Frantzia mailako kontrako jarrera hartzen du eta herritarrei perspektiba baikorrak eskaintzeko bidea ematen du, auzotegietan bizi ingurumena hobetzeko proiektuak lasaitasunez eramanez, ondarea zainduz eta hiria klima aldeketaren ondorioei prestatuz.
Horrela, 5 milioi euro baino gehiagoko inbestimenduak aurreikusiak dira 2025erako, hedadura handiko proiektuekin.
Auzotegietan bizi ingurumena hobetzeko politika: 2 746 700 €
- Kirol Zelaiaren 2. urratsa 500 000€ko aurrekontuarekin: Kirol Zelairako sarbidea seguru ezartzea biribilgune bat sortuz abiadura moteltzeko hiriko sarreran, eta bizikleta bidea luzatzea.
- Joseph Abeberry etorbidea iragazkor bihurtzeko antolaketa 520 000 €ko aurrekontuarekin: edateko ur ekartzeak berritu ondotik, ur zikinak eta euri-urak bereizi ondotik eta lurgaineko sareak lurperatu ondotik (telekomunikazioak eta argindarra), hiriak bidea konpontzeko obrak aurreikusten ditu, beti aparkalekuak iragazkor bihurtzeko eta berriz landareztatzeko helburuarekin, auzotegien edertasuna hobetzeko eta beroguneak murrizteko.
- Jean Jaurès etorbidea landareztatzeko antolaketa 751 000 €ko aurrekontuarekin: Abeberry etorbidea zaharberritzeko xede berarekin , eta oro har, 2021etik goiti eramandako bide obra guziei jarraikiz, hiriak Jean Jaurès etorbidea berritzeko obrak aurreikusten ditu, Iturrialdeko 85 bizitegiak eraiki ondotik, gune iragazkor eta berriz landareztatuekin.
- Itsasoko etorbidearen sustengu lanak 500 000 €ko aurrekontuarekin: eremu publikoaren gainean kokatutako bidea lehertu ondotik, lurren ikerketa geotekniko bat eramana izan zen 2023 eta 2024an; obrak 2025eko lehen urte erdian abiatuko dira.
- Gainerateko bide obrak 430 000 €ko aurrekontuarekin: espaloiak konpontzea 330 000 €ko aurrekontuarekin eta hiriko auzotegi guzietan, bideak hobetzeko zenbait obra 100 000 €ko aurrekontuarekin.
Hiriko ondarea artatzeko lanak: 587 200€
- Eliza, Bordagaineko dorrea eta Ithurri Baita zaharberritzeko diagnostikoak eta obrak egitea
- Erabilera anitzeko gelaren teilatua konpontzea: 200 000 €ko hornidura.
Estrategia energetikoa (kontsumoak murriztea eta ekoizpen iturriak garatzea): 350 000 €
- Panel fotovoltaikoak ezartzea hiriko zentro teknikoko teilatu gainean: 240 000 €
- Elkarteen etxean, bero ponpa bat ezartzea eta berogailuak ordezkatzea: 75 000 €
- Herriko etxeko zureriak ordezkatzea: 35 000 €
- Hiriko argiak LEDez ordezkatzen segitzea
Ikastetxeetako eta haurtzaindegiko beroguneak murriztea: 102 000€
- Desmineralizazio eta landatze obrak eramatea Marinela ikastetxean, ikastolan eta haurtzaindegian: mundruna kentzeko obrak hasiko dira otsaileko oporretan.