Zein dira eraginak baliabide honi lotutako etxeko jardueretan eta jarduera ekonomikoetan? Nola hobeki partekatu ur baliabidea? Nola aldatzen dira landaredia eta aberedia uraren tenperaturaren igotzearen ondorioz? Ura urriago izateak zer eragin dakar gure paisaietan? Zer tresna mota uholde arriskuak saihesteko eta aurreikusteko?
Ipar Euskal Herriko eragile asko mobilizatu dira mahai inguruak, gunearen bisitak, ibilaldiak, sentsibilizatzeko ekintzak, zinemaldi-eztabaidak eta abar antolatzeko.
ZIBURUKO EGITARAUA
Kari horretara, Urdazuriko Bartak izanen dira bereziki ohoretan ezarriak. Duela guti, 64 Departamenduak Naturagune kaltebera sailkatutako Urdazuriko Bartak %70ean Ziburun kokatuak dira, baina Azkainen eta Donibane Lohizunen ere hedatzen dira.
Bartak aurkezteko erakusketa: urriaren 9tik 13ra
IEZI Euskal Itsasbazterra elkarteak egindako erakusketak gune kaltebera honen aberedi eta landaredi mailako aberastasun paregabea aurkezten du, ezagutzeko eta babesteko Ziburuko ondare naturala.
Bisita libreak 9:00etatik 17:00etara, Ziburuko Herriko Etxean.
Bartak ezagutzeko bi bisita gidatu: urriaren 11n
Bi bisita gidatu abiatuko dira Xantakoko bistalekutik:
- 14:00-15:15 : euskaraz
- 15:00-16:15 : frantsesez
Urririk - Izena eman behar: abbadia.cpie.accueil@hendaye.com edo 05 59 74 16 18.
Izar azpiko gaualdia
Ekitaldi hori osatzeko, hiriak izar azpiko gaualdi bat proposatuko du astea bukatzeko, urriaren 13an. Familia edo lagun artean, zatozte 20:00etan Kirol Zelaira izar azpiko gaualdi baterako, Euskal Itsasbazterreko Herri Astronomia Elkarteak aurkezturik. Teleskopio bidezko behaketa baino lehen, 19:00etan, Departamenduko zeru eta gaueko ingurumenaren babeserako elkarte nazionaleko ordezkaria den Stéphane Hermascewsky jaunak hitzaldi bat emanen du.
- Denentzat – Urririk