Ziburuk bere ikastetxeetako jostalekuak berriz asmatzen ditu: hezkuntza-ingurune naturalago baterako
Ziburun, ikastetxeetako jostalekuak berrituak izan dira! Mineralizatuegiak eta latzak ziren jostalekuetan, haurren beharrei egokiagoak eta freskoagoak diren berdeguneak loratu dira.
Helburua:
Hezkuntza-ingurune aberastua eskaintzea,
izadiari eta ingurumen arloko erronkei lotua.
Ikastetxe guziak parte harrarazteko xedez, Herriko
Etxeak programa luzatu zien hiriko hiru ikastetxeei. Bakoitzak baliatu du
proiektua bere gisan, bere beharren eta barneko dinamiken arabera. San Mixel
ikastetxeak, adibidez, bere urraspidea eramateko hautua egin du.
Eraldaketa hori talde-urraspide bati esker pentsatua
izan da. Hastapenetik, Ziburuko Herriko Etxeak hunkituriko eragile guziak parte
harrarazi ditu: AHIK (Arkitektura, Hirigintza eta Ingurumenaren Kontseilua),
ikasleak, gurasoak, hezkuntza taldeak, Herriko Etxeko zerbitzuak, baita
profesional berezituz osaturiko talde bat ere.
Jostaleku berdeagoak eta inklusiboagoak
Haurrek azkarki parte hartu dute antolaketa berrien
sortzean. Bide batez, zenbait lanbide ezagutu dituzte eta beren beregaintasuna
garatu. Zurezko jokoak, landareztatzea, ekai birziklatuak: dena pentsatua izan
da atsegina, pedagogia eta ingurumenaren begiratzea batzeko.
Denei irekiak zaikzien eremuak
Jostalekuak eskolako ordutegitik haratago ere baliagarri dira! Kaskarotenea ikastolak bere jostalekua publikoari irekitzen dio uda osoan, aparkatzeko gunea izateaz gain. Marinelak aisialdi zentroko haurrak errezibitzen ditu, eremuen hezkuntza-erabilera luzatuz.
Ez huts egin: sartzeko erakusketa
Irailetik goiti, talde-lan horiek aurkeztuko ditu
erakusketa batek, mediatekan ikusgai.
Nola Ziburuko gazteria hiri berdeago eta
solidarioago baten alde engaiatzen den ikusteko bide ederra!